聯發小廚 (已結業)

係廟街行左幾間餐廳，最後簡左呢間。坐左係出面位置，幾有風味。仲有提供餐前小食，花生同菜莆，菜莆有少少酸辣咁，幾開胃。上菜速度都好快，叫左無耐好快就一碟碟咁上，熱辣辣好有鑊氣。職員做野都好快手，唔洗等好耐。💟椒絲腐乳通菜感覺無乜菜葉食，好多菜莖，有腐乳味道，不過比較水，如果杰身d會更好。💟金菇粉絲肥牛煲個煲真係好保温，食到尾聲d野食仲keep到熱。味道都唔錯，仲有d菠蘿係入面tim。💟星洲炒米份量好大碟，都多料，有蝦、叉燒等等。如果重返d星洲辣味會好d。💟蒜蓉粉絲蒸鮮魷無諗到個底有粉絲，而且d鮮魷新鮮，有頭有鬚既部位，份量都唔少，配埋d蒜蓉粉絲一齊食，好正！總括黎講，係環境衛生爭d，但味道唔錯，份量多，對得起個價錢。