正宗上海生煎皇 (已結業)

好想食上海野，屋企樓下只有呢間，開左咁耐其實都未食過呢間。我叫左套餐，A同B各揀一個，送飲品以為份量中規中矩，冇諗過個麵睇落正常份量，原來都幾大碗下，我食唔到一半已經覺得飽，仲有個小食我都未食呀。雞絲粉皮有啲失望呀！平時食開嘅都用花生醬加麻醬，但呢度只用麻醬，加上雞絲太粗太大塊，有啲求其嘅感覺，味道亦麻麻地啦。總括黎講都ok嘅，兩個人食就會好啲，對我黎講，一個人食太飽。之後我都會再黎食嘅！