阿四車仔麵 (已結業)

🍽自選車仔麵（4.5/5）💰53粗麵，沙嗲汁，豬紅、蘿蔔、龍蝦丸、溏心蛋，共4餸粗麵軟硬適中，沙嗲汁用匙羹滿滿一羹裝起啲餸件件都好大份，蘿蔔最巨型，仲要好清甜冇渣，兩碗麵加埋6/7件蘿蔔都冇渣！豬紅幾挺實龍蝦丸有驚喜！食落好彈牙，仲有粒粒蟹籽，有4大粒都係11蚊，店主你太重手喇溏心蛋花雕酒味好重，但我好中意，中間有流心但可以再生番啲啲🍽自選車仔麵（4/5）💰42粗麵，咖哩汁，蘿蔔、豬大腸、瑞士雞翼，共3餸咖哩汁exactly係咖哩魚蛋汁，唔算太辣，我呢種十小辣勉強食到豬大腸好好好大件，個型仲要好圓好靚，食落唔算太肥但好入味好易咬開，幾滑瑞士雞翼都係幾入味，但可能有啲啲老咗🍽日式吉列蠔（4.8/5）💰26你地去食記得呢埋呢個！吉列蠔炸皮好熱好脆，唔算厚隻蠔size幾滿意，好滑仲爆曬汁！但配醬比較少有既配上酸辣醬但甜甜酸酸辣辣幾開胃，剛好中和咗脆炸既油膩仲叫咗兩杯野飲，凍飲加12，特飲加15，精明既大家我相信你地識選擇本來想試下綠豆冰可惜個日冇，轉紅豆冰都幾大杯下甜度都得我心，但紅豆再多啲啲啲啲就好喇普通飲品都有得圈少甜少冰呢啲幾貼心添值得一提既係裝修好新好乾淨，坐得好闊落舒服，但可能新店