影片
更多
2019-10-08
1403 瀏覽
聽舊同事講聯和墟其實都有唔少餐廳又平好食，成日都行開呢頭但都唔多知。今晚就去左馬會條街既呢間平民上海野試一試。餐廳望似普通既茶記，唔望清楚或者入黎食都唔知係上海野黎。想放愈多枱招呼愈多客人係好既，但放到出入有少少困難就可能要執執位。Menu見到野食價錢絕對唔貴，而且見開既上海野都算齊。Partner話叫手撕雞同茄子斑腩，我樣樣都岩食，係想個餐跟個菜飯同湯麵。手撕雞跟湯麵黎得算快，個雞一上黎就聞到好香既花椒同蒜味，仲以為佢會好辣，但又唔辣，只係麻同香。想食辣既，大可以叫口水雞。湯麵都唔係求求其其，望都幾好，湯都唔係淡而無味既淥麵水，但可惜既係個麵淥得太奈，林左。手撕雞既份量唔少，肉質都嫩，夠味、夠麻、夠香，唔錯。當然，雞個底一定浪左幾舊青瓜，但唔算多，而且有個汁可以撈，有幾舊好似拍青瓜咁既瓜我仲開心。至於個茄子斑腩，可能因為唔算多人叫，廚房要即叫即整，所以一上黎熱辣辣，魚柳仲脆，只係要等佢十分鐘左右，好在我地清左個雞佢就到。茄子煮得夠林，魚柳size ok，炸漿唔會太厚。個送既醬汁好夠味，算係濃味既汁黎，送飯就岩，不過其實都幾油。見佢餐牌有d野食有個辣椒符號，而呢個送冇，但佢就偏偏係辣既
今晚就去左馬會條街既呢間平民上海野試一試。餐廳望似普通既茶記，唔望清楚或者入黎食都唔知係上海野黎。想放愈多枱招呼愈多客人係好既，但放到出入有少少困難就可能要執執位。
Menu見到野食價錢絕對唔貴，而且見開既上海野都算齊。Partner話叫手撕雞同茄子斑腩，我樣樣都岩食，係想個餐跟個菜飯同湯麵。
手撕雞跟湯麵黎得算快，個雞一上黎就聞到好香既花椒同蒜味，仲以為佢會好辣，但又唔辣，只係麻同香。想食辣既，大可以叫口水雞。湯麵都唔係求求其其，望都幾好，湯都唔係淡而無味既淥麵水，但可惜既係個麵淥得太奈，林左。手撕雞既份量唔少，肉質都嫩，夠味、夠麻、夠香，唔錯。當然，雞個底一定浪左幾舊青瓜，但唔算多，而且有個汁可以撈，有幾舊好似拍青瓜咁既瓜我仲開心。
至於個茄子斑腩，可能因為唔算多人叫，廚房要即叫即整，所以一上黎熱辣辣，魚柳仲脆，只係要等佢十分鐘左右，好在我地清左個雞佢就到。茄子煮得夠林，魚柳size ok，炸漿唔會太厚。個送既醬汁好夠味，算係濃味既汁黎，送飯就岩，不過其實都幾油。見佢餐牌有d野食有個辣椒符號，而呢個送冇，但佢就偏偏係辣既，好在唔算太辣，加埋杯凍既菊花茶就岩。
個菜飯同張相一樣，d菜唔係好平均，好在入面都有菜，唔係就得半個菜飯，另外一半係白飯。
清淡唔算甜既菊花茶，凍既解辣岩哂。
兩個餐加埋飯同麵，份量都好夠。同枱見對面兩位公公婆婆叫左醉雞黎食，六十蚊但份量多到我地同佢地都有d驚訝，同埋我都聞到幾香花雕味。下次再黎食應該會叫，同埋都想試下雞絲粉皮、小籠包果d小食。
整體黎講味道唔錯，由其呢個價錢，晚飯未知食咩既，可以一試。
張貼
