馬六 (已結業)

今晚一個人去完新蒲崗上樓鋪買完野，起行返去左鑽石山地鐵站經采頤花園時見到呢間馬六食新加坡菜餐廳，見到佢有個新加坡孖寶set - 肉骨茶+海南雞，於是就入去試下可能都差唔多9:00pm, 餐廳都無乜人。但坐低點餐後，都等左大約10分鐘先上菜，我估佢係即叫即做。首先講下個海南雞🐔，海南雞肉質唔算好嫩滑，但都算ok好味，份量亦好足。（海南雞黎講，water door會比呢間好食一級）而肉骨茶就比個海南雞出色啦～肉骨茶舊肉炆得好淋，個湯又夠濃味，食食下都變左肉骨茶湯飯，係正嘅！😋埋單＄88無加一，我覺得呢個價同一時間食到呢兩樣新加坡菜而有呢個質素係抵嘅。不過如果個餐連一杯飲品會更好啦😅最後要比個credit比佢地嘅waiter. 服務態度同語氣都好好。其實呢間餐廳重有好多其他食物睇相都好吸引，下次行開黎都會想試下。