影片
更多
2022-07-14
786 瀏覽
🏳️ 伏到無朋友 🏳️如果大家有睇開我嘅食評，都知道我支筆係比較 [ 厚道 ]，絕少會比負評，但今天我嘅小宇宙確實要爆了，真係好耐無食過咁差勁嘅野，真係不吐不快。😖檀島 呢個名字，相信老一輩嘅人必定聽過或食過，我亦係從我媽口中得知呢間餐廳嘅存在，見今天一個人嚟開灣仔，就即管會一會您。😝坐底後環顧四周，見食客唔多，心已涼涼地，因為依家正係晚上七時，無可能咁少人架？不過我見既然已經坐底了就試一試吧。🧐他們的價錢喺茶記來說並非好平，反而我覺得有一點進取添，當時我仲以為可能價錢貴所以少人食，最後我梗係錯哂喇。😞😔餐牌上有一道喺茶記極少睇到嘅食物，[ 馬來肉骨茶 ]，一向喜歡食馬拉菜嘅我，梗係即刻 order 啦 .... 😁老實講，無論我喺馬來西亞或其他地方，我真係食過好多好多次肉骨茶，但呢度所比我嘅，確實係最差的體驗。👎1) 湯頭顏色正常，但上枱時個湯只係微熱，淨係呢點已經扣佐好多分，而最重要係個味道，大佬 ! 個湯非但一點藥材味都無，更甚個湯係甜㗎，重要係好甜，搞乜呀？😡2) 湯裡嘅腐竹同豆卜究竟煮熟未？點解咁硬嘅？🤨3) 排骨完全唔嫩滑，甚至有部份重要咬唔入，究竟我食緊乜野？😩原來老字號未必
如果大家有睇開我嘅食評，都知道我支筆係比較 [ 厚道 ]，絕少會比負評，但今天我嘅小宇宙確實要爆了，真係好耐無食過咁差勁嘅野，真係不吐不快。😖
檀島 呢個名字，相信老一輩嘅人必定聽過或食過，我亦係從我媽口中得知呢間餐廳嘅存在，見今天一個人嚟開灣仔，就即管會一會您。😝
坐底後環顧四周，見食客唔多，心已涼涼地，因為依家正係晚上七時，無可能咁少人架？不過我見既然已經坐底了就試一試吧。🧐
他們的價錢喺茶記來說並非好平，反而我覺得有一點進取添，當時我仲以為可能價錢貴所以少人食，最後我梗係錯哂喇。😞😔
餐牌上有一道喺茶記極少睇到嘅食物，[ 馬來肉骨茶 ]，一向喜歡食馬拉菜嘅我，梗係即刻 order 啦 .... 😁
老實講，無論我喺馬來西亞或其他地方，我真係食過好多好多次肉骨茶，但呢度所比我嘅，確實係最差的體驗。👎
1) 湯頭顏色正常，但上枱時個湯只係微熱，淨係呢點已經扣佐好多分，而最重要係個味道，大佬 ! 個湯非但一點藥材味都無，更甚個湯係甜㗎，重要係好甜，搞乜呀？😡
馬拉肉骨茶
$67
104 瀏覽
1 讚好
0 留言
2) 湯裡嘅腐竹同豆卜究竟煮熟未？點解咁硬嘅？🤨
3) 排骨完全唔嫩滑，甚至有部份重要咬唔入，究竟我食緊乜野？😩
原來老字號未必一定可靠，呢間野真係無下次，救命。😓😥😰
張貼
