鳥語 (已結業)

見今日去尖沙咀工作，順便食午餐，見有間樓上cafe ,好似幾得意，一個人去試吓，又可以嘆下咖啡；餐牌沒有真實圖片，唯有靠openrice 睇吓，花多眼亂之下，叫了個最普通嘅全日早餐+泡沫咖啡。泡沫咖啡：普通，沒有特別。個全日早餐：賣相普通，炒蛋、腸同三文魚正常，至於牛油果包，以為唔夠檸檬汁，顏色變咗灰綠色，一食落去⋯牛油果變壞嘅味道🤮；大啡菇沾咗隔離個焦糖蘋果啲糖，甜嘅大啡姑，好難食；沙律菜唔新鮮，有爛；焦糖蘋果有啲奇怪；最後只靠蛋填飽個肚。😵‍💫環境：除咗張枱有抺，比較乾淨，四周圍都有塵，而且一入到去有一陣酒吧嘅味道，有啲難聞。🤧埋單一個全日早餐$128，泡沫咖啡$40，最最最重要係冇睇到有加一服務費，共要$185最後想同店主講：價錢唔係最重要，最重要係你收得客人咁嘅價錢，你都俾翻啲良心吖，環境又唔清潔，食物劣質，識得收加一服務費，唔該有翻啲誠意，試吓啲食物俾唔俾得客人食先，唔好求求其其。講真：全日早餐真係冇乜技術可言，咁簡單嘅菜式，都搞到一鑊泡⋯⋯希望今次浪費咗啲時間寫食評，提醒店主可以改善吓，不要影衰香港人！吃完呢個午餐，胃部不適咗一個下午，幸好沒有肚屙😨*張單同我去嘅地址唔同我