Bluebird Coffee (上環) (已結業)

最近忙裏偷閑， 行經新開既咖啡店，藍色裝修幾搶眼。餐廳共有2 層，上層地方闊落，適合休閑食輕食。芝士菠菜酥Cheese spinach pie $37熱辣辣，酥皮香脆， 而餡料有淡淡芝士香，加入菠菜嘅口感更清新。 紅豆抹茶蛋糕配鮮奶布甸 $98擺盤有花心思，一次過食到咁多甜品，但係整體唔算好甜。 🍵紅豆慕絲夾著抹茶慕絲味道驚喜唔大。🥺餅底加入柚子酸味，幾開胃。 🍮牛奶布甸香滑得嚟比較淡身，配合紅豆嘅微甜，甜度剛剛好。一口布朗尼同抹茶雪糕係正常水準。 ☕️破曉 First Light $ 42蜜糖脆脆伯爵茶鮮奶咖啡 🥺呢杯咖啡未有拉花，感覺唔到蜜糖脆脆, 味道比較平凡，但咖啡唔會好甜，都幾香滑。