影片
更多
2023-02-01
159 瀏覽
好耐無嚟灣仔搵食，之前喺網上見有人推介呢間「A Basic Coffee Production」，已經即時 bookmark 咗，適逢今日有空檔，即刻約埋朋友過嚟食個 early lunch。原來餐廳嘅位置都幾隱蔽，藏身於大王東街入面嘅一條小巷內，店面細細，座位不多，但裝修幾有格調，休閒復古，再襯以一室啡木傢俱，為餐廳添上一份和諧暖意。先嚟一客意式卡邦尼意粉 ($128)，賣相好吸引，睇得出廚師很用心製作。意粉煮得啱啱好，煙韌唔過腍，每條都均勻地沾上了醬汁，入口滑嘟嘟，creamy 又不膩口。配料有風乾豬面頰肉 同 意大利豬腩煙肉，前者七分肥三分瘦，聞落好香；而 pancetta 味道亦濃厚鹹鮮，用嚟配意粉吃，味道一流！桃紅色嘅班尼迪蛋 ($138) 真係第一次見，原來係喺吹彈可破嘅 egg benedict 面頭淋上了紅菜頭荷蘭醬，單看賣相已令人食慾大開。水波蛋脹卜卜，又圓又嫩，而且流心效果非常澎湃，配上濃稠綿滑嘅荷蘭醬、夾層嘅紅菜頭蓉同墊底嘅 focaccia，超美味。另外仲點咗 Latte ($45) 同 焙茶 Cream Roll ($58)，咖啡嘅拉花相當優美，清晰挺身，入口
好耐無嚟灣仔搵食，之前喺網上見有人推介呢間「A Basic Coffee Production」，已經即時 bookmark 咗，適逢今日有空檔，即刻約埋朋友過嚟食個 early lunch。
原來餐廳嘅位置都幾隱蔽，藏身於大王東街入面嘅一條小巷內，店面細細，座位不多，但裝修幾有格調，休閒復古，再襯以一室啡木傢俱，為餐廳添上一份和諧暖意。
先嚟一客意式卡邦尼意粉 ($128)，賣相好吸引，睇得出廚師很用心製作。意粉煮得啱啱好，煙韌唔過腍，每條都均勻地沾上了醬汁，入口滑嘟嘟，creamy 又不膩口。
配料有風乾豬面頰肉 同 意大利豬腩煙肉，前者七分肥三分瘦，聞落好香；而 pancetta 味道亦濃厚鹹鮮，用嚟配意粉吃，味道一流！
桃紅色嘅班尼迪蛋 ($138) 真係第一次見，原來係喺吹彈可破嘅 egg benedict 面頭淋上了紅菜頭荷蘭醬，單看賣相已令人食慾大開。
水波蛋脹卜卜，又圓又嫩，而且流心效果非常澎湃，配上濃稠綿滑嘅荷蘭醬、夾層嘅紅菜頭蓉同墊底嘅 focaccia，超美味。
另外仲點咗 Latte ($45) 同 焙茶 Cream Roll ($58)，咖啡嘅拉花相當優美，清晰挺身，入口暖笠笠，+$30 upgrade 咗隻咖啡豆，口感幼滑細緻，飲落咖啡味好香濃。
卷蛋甜而不膩，質地軟硬恰宜，鬆軟有致又唔會過份乾身，中間嘅忌廉口感好豐潤，幼滑中更帶濃郁焙茶幽香😜
張貼
