小房子 (已搬遷) 新店位置

星期六想過一個休閒嘅下午，享受一下慢活嘅生活，朋友選擇左小房子。本身睇食評話好多時都要等好耐，但我今日一去到就有位喎，Lucky一入到去，環境真係好舒服，文青感十足，非常適合影相。職員話佢地係冇限時，亦冇最低消費，所以淨係叫一杯野飲就真係可以坐足一個下午喎，難怪人地話要等好耐啦。不過其實我好欣賞佢地，畢竟要係香港地做到同堅持到真係唔容易。至於食物方面，我係揀左顏值最高嘅櫻花水玄信餅同櫻花梅子梳打。朋友就揀左鰻魚茶漬飯上菜速度都幾慢，朋友一直叫肚餓。我個水玄信餅味道好清淡，旁邊有個載有類似蜜糖嘅碗仔，顧客可根據個人喜好添加一齊食。梳打就普普通通啦，味道唔算特別。不過顏值高，見到心情會好好。朋友嘅茶漬飯，佢話都係冇咩特別，不過入面個蛋佢就話味道唔錯。總括而言如果以食物質數黎講，價錢方面就唔係好值啦。不過如果你係想享受慢活，感受一下文青嘅生活，小房子係適服嘅。