品坊 (已結業)

上網看見novotel 酒店做緊自助餐優惠，午市低至$158/1位，連加一都係$174, 見咁平，我哋預先係酒店網站 book咗位，我們早咗10分鐘到，服務員好貼心，好快就比我們入座，個日係平日，都有幾多人吓, 不用半個鐘都有6、7成人。食物方面都係正常lunch自助餐有嘅嘢，食物款式唔算多但都ok，海鮮類有蝦、青口、三文魚及魚生等，熟食類一烤牛肉肉質唔韌，豬腳蛋好入味，但冇咗薑，有D美中不足，釀青椒加埋西椒會更有口感，甜品之中，葡撻好好味，其它甜品一芝士蛋糕、朱古力蛋糕都一般，芒果龍眼西米露好稀，但龍眼好甜，haagen dazs雪糕杯裝都有4款選擇，不錯呢！其實用呢個價錢嚟講有咁多嘢食都算係唔錯，食物都補充得好快，無投訴，值得嚟試下，員工態度好，有禮貌，環境、食物款式都唔錯。