District 8 (ELEMENTS圓方)

營業中

休息中

今日自己行完m+再過黎圓方，意外地搵到依間係頂層嘅餐廳，環境好好，喺呢度食咗一個性價比好高嘅two course lunch。椰菜花濃湯，蒜蓉長法包，咖喱🉐作為前菜嘅湯，呢度做得好出色，完全冇馬虎。椰菜花濃湯真係用椰菜花去煮出嚟，啲椰菜花有烤過，所以更加香，再放落啲湯度煮，加埋忌廉成個湯好滑好濃菜味，另外仲有蒜蓉長法包可以點落啲湯度飲，法包係有啲咖喱粉，味道更特別。燉豬腩肉，豬手小丸子，芹菜頭，蘋果迷迭香醬汁🈵呢個主菜好出色，豬腩肉係燉嘅，所以好腍好嫩，但係同時都保持到豬嘅肉汁同肉味，另外豬手小丸子係炸嘅，炸得金黃香脆，內裏係軟林林嘅豬手，口感好特別，芹菜頭亦都用一個好特別嘅煮法，好爽口好好食，醬汁都好香，令味道更加提升！依度嘅咖啡都好好飲，好香好濃，食完個lunch飲杯咖啡就啱晒。