101台式休閒餐廳 (青衣城2)

營業中

休息中

台式料理在香港大行其道，款式多元化兼價錢大衆化，頗受食客歡迎。這間食店位於青衣城二期，座位闊落，佈置簡潔。特盛醬汁雞扒肉臊飯雞扒煎得香脆，肉質腍滑，配上特製醬汁，味道討好，送飯最啱。醬汁香茅豬扒肉臊飯豬扒嫩滑唔會過熟，味道唔錯，如果能增加香茅濃度及份量，效果會較好，始终香茅可以提升豬扒嘅惹味度。黑椒薯仔醬爆牛柳牛柳薄切有牛味，以黑椒提升爆炒效果，薯仔炆得軟腍，醬汁鹹度適中。肉臊飯是台食嘅熱門選擇，肉臊味道唔錯，飯亦夠熱暖，如果可以增加肉臊的份量就更好。跟餐加錢還可選配冷熱台式飲品，享受休閒感覺。