Cow Bean (TKO Gateway) (已結業)

先吃紐西蘭肉眼扒。一上枱，牛肉已經預先為客人切好一粒粒"bite size"，一口一啖牛，爽歪歪！肉嘅份量剛好，另有薯條和沙律。旁邊有洋蔥汁和芥末醬點，唔點汁食原汁原味嘅牛又得，食到悶悶地點下醬汁試下唔同味又得，得左！薯條較粗身，我鍾意呀！啱啱炸起，十分挺身，熱辣辣又香，食得出薯仔味，另有茄汁提供，薯條配茄汁呢個組合冇得輸呀！最想讚嘅係佢嘅甜品真係超好食。叫咗一個青蘋果一個紅蘋果。呢個甜品真係我食過咁多甜品之中最特別，一啲都唔係誇張。事關佢望落真係好似一個蘋果咁樣，一切開佢中間係蘋果粒。青蘋果入面係青蘋果粒，紅蘋果入面係紅蘋果粒。其實唔係好試到兩者的分別，但仔細嚐嚐，確實試到青蘋果較紅蘋果酸甜清新。呢款甜品盡顯甜品師傅的功夫。最外層係類似糖衣的皮，但又不是糖衣，只覺得口感似糯米糍，煙煙韌韌。糖衣包著白朱古力，白朱古力包著乳酪忌廉，最入就是蘋果粒。吃這個甜品一點都不覺膩，而是吃完一口接一口，吃到停不了口！吃完這個甜品，感到大滿足！