影片
更多
2023-06-16
1605 瀏覽
2023.05.28 brunch semi buffet 竟然被女友發現呢個抵食 brunch semi buffet！應該係做緊優惠價，其實我哋都唔知正價係幾錢🤣 依家係$205一個人，11點至3點！四個鐘！好正！ 讚咗先，雖然一開始好似唔係好夠人手，但佢哋嘅服務態度真係值得讚👍🏼👍🏼 尤其事一開始招呼客人入坐個位女服務員😊👍🏼👍🏼我倆準時到，已計劃好食早餐，飲咖啡，休息下慢慢先叫主食做午餐，再食甜品😁 坐低後，慢慢出去睇食物，有橙汁&蘋果汁，有沙律吧 (唔算超多款，但都夠，個沙律薯好好味😋 有幾款酥皮小包，呢個就一般，唔係好夠香、有長型片，呢個好味，又可以配佢個兩款芝，好味😋 又有兩款味道嘅迷你冬甩🍩、小muffin，不過呢兩樣都一般😅 仲有assorted cold cut，煙三文魚⋯⋯等等，都好多選擇😃食咗兩輪，叫咗咖啡先，因為早餐時間嘛😁咖啡麻麻地添，係我唔鐘意個啲⋯⋯超級普通齋啡，不過細心嘅，啲奶係整熱咗😊我哋唞吓就叫主食，主食有六款揀，我哋要咗 egg benedict 同三文魚，其實係佢本身係Seabass，但轉左三文魚，不過算啦，其他款我哋都麻麻地鐘意😝 有魚食都係
竟然被女友發現呢個抵食 brunch semi buffet！應該係做緊優惠價，其實我哋都唔知正價係幾錢🤣 依家係$205一個人，11點至3點！四個鐘！好正！
讚咗先，雖然一開始好似唔係好夠人手，但佢哋嘅服務態度真係值得讚👍🏼👍🏼 尤其事一開始招呼客人入坐個位女服務員😊👍🏼👍🏼
我倆準時到，已計劃好食早餐，飲咖啡，休息下慢慢先叫主食做午餐，再食甜品😁 坐低後，慢慢出去睇食物，有橙汁&蘋果汁，有沙律吧 (唔算超多款，但都夠，個沙律薯好好味😋 有幾款酥皮小包，呢個就一般，唔係好夠香、有長型片，呢個好味，又可以配佢個兩款芝，好味😋 又有兩款味道嘅迷你冬甩🍩、小muffin，不過呢兩樣都一般😅 仲有assorted cold cut，煙三文魚⋯⋯等等，都好多選擇😃
食咗兩輪，叫咗咖啡先，因為早餐時間嘛😁咖啡麻麻地添，係我唔鐘意個啲⋯⋯超級普通齋啡，不過細心嘅，啲奶係整熱咗😊
我哋唞吓就叫主食，主食有六款揀，我哋要咗 egg benedict 同三文魚，其實係佢本身係Seabass，但轉左三文魚，不過算啦，其他款我哋都麻麻地鐘意😝 有魚食都係好😁 order 後話要需時20分鐘，心諗仲好，可以再等耐少少先食，我哋就可以慢慢飲過湯先，係龍蝦湯，但味道就一般😅
egg benedict 味道麻麻，可能係個醬🤔 而個兩塊火腿，其實可以煎香下，應該會好味少少😝
好彩個三文魚正常，燒汁都算好味，但可惜配菜係炸薯條，覺得有啲怪，唔係伴少少烤菜會撘配啲🤔😝
最後食甜品，都有4款cake 揀，又有movenpick 雪糕，同埋有西瓜、菠蘿兩種生果。
我哋遲咗食雪糕，冇哂女友想食嘅咖啡味添😛 跟住要咗朱古力味，我要士多啤梨味，不過，唔鐘意個feel，好似溶過再雪番咁，味道麻麻地🤨 cake 我哋拎咗chocolate tart同brownies，chocolate tart 好味啲👍🏼 休休閑閑，食吓傾吓，影吓相，咁就四個鐘，一人二百左右，好抵食！又好舒服😌
張貼
