屋子生活 (已結業)

馬鞍山區文青餐廳唔多，區內「屋子生活」都算有啲名氣。餐廳最出名嘅係落地玻璃，同埋有幾張枱係地下座位。閑時唔少文青/ 一家大細嚟打卡。以前嘅menu係一本薄嘅簿，細個抄生字、默書個啲。諗落都應該就快有兩年無嚟過食野，原來已經換咗menu。登登登登。夜晚好早就嚟咗，就係因為想坐呢啲位，放鬆一下。🤓 餐廳內亦有其他座位、雜誌架。樓底高，主要係白色x木嘅設計，環境開揚，relax。好，入正題。講野食。牛肉定食定食份量對我一個女仔嚟講岩岩好。沙律新鮮，生菜同青瓜都係脆脆地😝，完全無黃無奇怪味，一啲都唔敷衍。另外中華沙律都幾好食🤤面鼓湯普普通通，不算特別有鮮味，也不太咸。日式家庭料理嘅感覺。白飯加咗啲味素係面。小朋友一定好鐘意食，哈哈。個人感覺賣相加咗分！牛肉唔肥，口感有啲啲鞋，但索哂啲汁，好入味。食食下先發現，原來個底有啲好似粗粉絲咁嘅嘢，幾得意。沙律有加紅豆，又幾細心喎🙈就咁睇睇唔到。湯入面有豆腐粒、厚昆布，菇。溫熱，飲咗好舒服。類似蘋果綠茶無咗綠茶味，甜甜地。明太子烏冬烏冬彈牙，唔黏埋一舊。紫菜碎好脆。配料鋪滿哂成個烏冬。雖然唔係咩貴價食材，但好驚喜。兩個主食難度都唔高。係就係可以自己喺屋企