Dear Coffee & Bakery (已搬遷) 新店位置

上網見到呢間Cafe嘅麵包同咖啡好靚又好有特色，就約咗三五知己一齊去呢間Cafe度試吓順便打下卡。店入面嘅環境好靜好舒服，我哋揀咗角落嘅一張高枱黎坐，望住街景就好似去咗台灣嗰啲文青Cafe，係香港比較少見嘅寧靜，好適合同朋友傾吓計食下野hea一日。我地叫咗4款包試。抹茶麻糬bagel、焙茶麻糬bagel、紫薯包同牛油果炒蛋吐司。麻糬bagel嘅texture唔錯，外面好脆得黎入面嘅麻糬好煙靭。略嫌焙茶味比較淡，抹茶味亦帶點苦。紫薯包口感及味道普通，無乜驚喜。比較推薦嘅係呢個牛油果炒蛋吐司。整體味道配合唔錯😋咖啡味道ok不過係帶酸嘅咖啡。如果你鍾意帶酸嘅咖啡不妨一試。雖然Cafe整體食物嘅味道同想像中有啲落差，但好適合打卡，環境都唔錯架。