八號草 (已結業)

今日約咗個朋友睇佢玩草球, 記得呢度以前仲係美孚保齡球場, 大約半年前改咗做草地滾球. 跟住呢度間餐廳都改變咗做八號草. 行比較高一檔次嘅西餐, 我朋友在請我玩草球同食呢個西餐. 原來平時街外人都可以walk in食, 唔一定要玩草球先食得. 今日係平日又唔算多, 所以可以靜靜地同朋友傾計食飯. 佢哋啲set dinner都屬於中價位, 二百幾蚊一個set. 我就揀咗西冷牛扒, 我朋友就食三文魚扒餐. 首先就嚟個沙律. 一個煙三文魚, 另一個西班牙火腿. 兩個賣相都幾好食物又唔差, 三文魚夾埋啲魚籽, 火腿側夾蜜瓜同芝士, 分量都幾大碟. 加28蚊叫龍蝦湯, 味道濃洧好有蝦膏香味, 而且另外加咗啲魚柳落去煲. 至於羅宋湯就一般ok. 個主菜非常之好味, 三文魚扒層皮煎得很脆香, 再加上佢嘅蒜蓉白汁, juicy又唔腥. 牛扒燒得恰成, 網紋賣相吸引, 而且塊扒本身肉質油香唔錯. 至於嘅焦糖燉蛋附有士多啤梨及藍莓, 而且相信加咗雲呢拿油去整, creamy但又唔太甜. 性價比ok唔錯. 最緊要係地方大坐得又舒服. 估唔到美孚新村都有啲咁嘅休閒食嘢地方.