梨滿園韓國料理 (已結業)

好耐冇食炸雞啦，本身想黎食90分鐘任食炸雞放題，但係店員都有推介，原來而家加多幾十蚊就可以試埋佢另外一個新推出嘅放題，有得食埋韓式芝士拉雞，韓式紫菜包飯，又或者人參雞湯芝士紫菜飯。聽落都幾抵而且可以食多款韓式菜。炸雞總共有五款，味道分別有薑蔥、甜辣、芝士、蜜糖、秘製醬油味。一開始會一次過上晒啲五款味道嘅炸雞，再續碟嘅時候就可以選擇你想要嘅味道。個人來講最鍾意係蜜糖同埋芝士炸雞，真係同喺韓國食到嘅味好似！炸雞全部都炸到好香口。其他韓式菜式，雞蛋卷，拉絲芝士雞，呢度比嘅芝士比得一啲都唔吝嗇，全部都可以拉絲好長！最特別就係佢個人蔘雞湯，一開始會一大煲，入邊仲有成四隻雞，非常足料，食完啲雞之後，就可以落飯、紫菜、芝士落去煲粥咁樣食。呢度嘅店員亦都好友善，會介紹一下菜式嘅食法，十分貼心。