燒烤堂 (已搬遷) 新店位置

在九如坊既燒烤堂幾正，空間感幾大！店員態度非常親切有禮，menu好多串燒，多到花多眼亂！Sapporo生啤買一送一，夠冰凍夠chill, 非常抵飲，食串燒點可能 without啤酒，嘆！餐廳細心位係每樣 items都會寫用咩風格去整，包括 日，泰，港，川，西，新疆，台 and「堂」，非常加分！桂花蜜糖本地凍蕃茄，非常驚喜既前菜沙律，桂花香甜好自然清新，冰凍既蕃茄透心凉！清爽清甜，食到唔停口，令到胃口大增！黑魚子蟹肉鱈魚乾，多多蟹肉份量真係估唔到，配上黑魚子咸鮮感再配蟹肉，成件事好正，鱈魚乾夠香脆。柚子雞腿肉，雞腿肉keep到juicy, 嫩滑口感！再配上柚子醬更帶出味道，味蕾帶上沖擊。孜然豚肉芫茜卷，非常創作性既串燒， 芫茜嘅香味配豚肉估唔到咁夾，感覺濃香好岩我口味。節瓜波板糖，外型賣相好有趣，兒時回憶番哂黎！味道惹味配上蛋汁，香濃又突出。好香蛋香。蟹膏燒飯團，飯團燒到金黃焦香，表面帶有飯焦感！topping再有 creamy綿密既蟹膏，濃郁入味。再夾上即用脆脆紫菜，成條事變到好高質。