夢の丼 (已結業)

天氣好熱，突然落起大雨，即刻衝去避雨啦，見近近地有間日本菜餐廳，環境唔錯正好可以坐下。此店食高質日本菜，一個人又無乜好叫，咁就食碗丼飯啦。落完單乖乖等食，嘆番啖茶先，個玄米茶好香好好飲。花錦魚生丼賣相認真唔錯，原來仲有沙律同麵豉湯附上，正喎。沙律菜清爽，麵豉湯加了蜆肉很鮮味。丼飯勁豐富，有數款魚生外，仲有呢個淡青色的蟹膏豆腐，同埋生蛋漬，呢兩樣較少見嘛。松葉蟹肉好鮮甜，魚生大大粒好肥美，左口魚邊爽口，飯混了醬油好香口，整碗都非常美味。雙色蟹籽沙律唔知道丼飯已經有沙律附送又點了一客蟹籽沙律度個沙律係菜底加青瓜絲，醬汁用上日式沙律醋，輕盈又好味。天氣太熱仲要左罐雪碧，夠冰凍，爽～