圓山台灣料理 (已結業)

呢間台灣菜好特別，有埋點心可以叫。一開始食無太大期望，因為乜都有通常都係比較平凡，但呢間餐廳啲台灣菜真係好食既。我地一開始叫左個皮蛋豆腐做前菜，佢有好多肉鬆，因為我好鍾意食肉鬆，所以真係好鍾意個前菜，而皮蛋同豆腐都係好夾。然後叫左個三杯雞做主菜，個三杯雞啲肉堅嫩，同埋唔會太濃味，真係唔使食飯，齋食餸都可以，咁當然佢都有少少油既，不過啲油係曬底，面個層唔油，呢個好食。上面兩個可以唔食，但個炒蜆真係好正，我係第一次食到咁鮮甜既蜆，仲要啲蜆既份量好多，食極都係個殻度，啲千層塔既味好濃，可能因為咁對比到啲蜆仲鮮，停唔到真係佢地叫個菜做炒A菜，好彩有圖片，如果唔係都唔知係乜，其實係蒜蓉炒油麥菜。個菜好新鮮。我地叫左個麵share，好正宗台灣味真係，同台灣食到既一樣，唔知係咪太正宗，同香港既有少少分別，我竟然有啲唔慣😂。總體都係好出色既一餐廳，下次黎試下飲茶。