Bella Shine (已搬遷) 新店位置

又係星期六午餐食好嘢嘅時間，搵咗觀塘呢一間上樓嘅西餐廳食個靚午飯。^_^^_^店舖都係以簡約為主，不過放咗兩幅好靚嘅盔甲喺度，好突出，可能係呢間餐廳會賣日本料理嘅關係，所以放咗一個日本畫喺度。午餐揀咗個澳洲安格斯肉眼扒＄118，叫咗五成熟。首先來一個沙律先。侍應話個沙律係加左杏仁汁，我心諗咩係杏仁汁呢？會唔會係好似熱杏霜咁嘅味呢。個沙律上枱，上面有1D好似ranch 甘嘅醬喺度。食落口沙律好新鮮，個汁嘅味道就好似你食緊甜筒上面嗰啲杏仁碎咁，唔係熱杏霜嘅味道。好彩，因為本人唔飲熱杏霜嘅。個汁好好味啊第一次試跟住到主角出場啦。外表睇落好似好窿咁，但係裏面個成數同我叫嘅一樣5成。牛扒本身好靚，本身調味應該都係胡椒鹽嗰啲，好簡單，但就好帶出本身牛扒嘅味道，同埋咁嘅配搭食靚牛扒係最好嘅，大家亦都可以睇到個相裏面牛肉脂肪比例都好均勻，牛味十足。呢個午餐好滿意，花多少少錢都值得。