神戶屋日韓放題

營業中

休息中

今個月我生日，同事們好客氣同我慶生，知道我喜歡食刺身同生蠔，就去咗神戶屋日韓放題。最近神戶屋推出優質升級放題，可以任食生蠔同松葉蟹腳，生蠔每隻都肥美又大隻，食落有爽口感覺，松葉蟹腳都好大隻。磯煮鮑魚醬汁鮮甜香濃，肉質彈牙。其次仲有醬油蝦散發著淡淡的醬油香 · 肉質結實又富彈性，鮮味至極。海膽軍艦有濃郁海膽味，帶點海洋氣息。口感滑膩。雞泡魚乾是以味醂醃裝後烘乾，油脂清香。汁燒鰻魚串微甜帶魚香。餐廳好有心，知道我生日，專程送一大盆擺設得七彩繽紛又精緻的刺身給我們打咭，刺身種類都好多，而都好新鮮肥美，大大隻赤蝦爽甜冇腥味，三文魚、希靈魚肥美，帶子、赤貝、凍蝦、螺肉、八爪魚、泰式生蝦等爽口新鮮。炸物即叫即炸，海老天婦羅、溫室南瓜天婦羅、吉列廣島蠔、芝士蝦春卷、榴槤炸彈、日本香芋丸，香脆可口不油膩。鹽燒活海蝦鮮甜彈牙。黃金芝士燒廣蠔，濃郁嘅芝士味配上鮮甜嘅蠔真係好夾。火炙沙律燒三文魚腩壽司：以火炙方式將魚油逼出來，再加上沙律醬，壽司入口即化好惹味！升級後會送Movenpick 雪糕一杯，其他甜品同雪條自取任食。