SHAKE!T

營業中

休息中

呢間位於旺角，主打新鮮水果奶昔窩夫店，今日終於嚟試吓！佢哋嘅奶昔係完全唔加冰落去打，真材實料！意大利開心果醬奶昔因為我自己好鍾意食開心果，所以就叫咗佢哋嘅開心果奶昔加開心果碎！一定要加開心果碎，因為飲嘅時候咬落開心果，令到成個奶昔更加濃郁又層次感！雖然冇加冰，都一樣咁凍！而飲落去都係比較細滑嘅！Oreo奶昔好似係新出嘅款式， Oreo味道唔算話好濃，有啲偏甜！澳洲牛油果窩夫我最鍾意佢哋嘅窩夫底，一啲都唔甜，而佢哋會加咗一層custard，我自己唔係特別鍾意custard 但好彩佢哋個底唔甜，加返落去就唔會過甜！牛油果真係半個牛油果落晒，正！巴馬火腿芝士窩夫我都係第一次咁樣食窩夫，都幾特別！ 芝士碎加上Parma Ham上面！