Doux (已結業)

今日帶媽媽黎鬧市吃晚餐，精挑細選決定黎到Doux，如題，主菜同甜品的賣相和味道都十分之出色，媽媽超級喜歡，下次一定會再帶媽媽黎！飲品我點了竹炭朱古力奶蓋，朱古力好濃郁，不會太甜，甜度適中，配奶蓋口感細滑。媽媽好養生咁點了水果茶，芳香陣陣，入口香甜，不錯！帶子沙律的帶子煎得好香口，外面是金黃色的，大大粒好新鮮，而沙律就有好多款蔬菜，有羽衣甘藍、番茄、無花果等等，連合桃都有，好豐富。青口香檳忌廉汁意粉，青口鮮甜，意粉的香檳忌廉汁非常可口，配意粉變得好細滑，好好味～黑毛豬鞍好睇又好食，厚切豬鞍肥瘦比例適中，夠juicy。甜品Ruby Peach賣相100分，真係好似一個桃咁，切開係一個桃味mousse蛋糕，好精緻！