得閒飲茶

營業中

休息中

屋企樓下指定點心店，趁今日落雨，冇乜人排隊，食點心做晚餐。同朋友叫咗幾籠點心，品質有保證。牛肉腸粉夠滑，包住啲牛肉，點少少豉油，味道剛剛好。小籠包係每次嚟必點，皮薄得來又包住好多湯，啜湯出嚟果下非常滿足，點埋醋嚟食，味道一流。平時都係食鳳爪排骨飯，今次朋友話試吓牛仔骨蒸飯，食落又唔錯。鵪鶉蛋燒賣都係每次必點，唔係度度有得食，話知佢膽固醇超標。略為遜色係蟲草花棉花雞，隻雞有啲肥，冇乜雞味。店員有禮，好勤執枱，值得一讚。但係張枱太細，食得有啲辛苦，因為個袋頂住，又冇乜位可以放。