名捌月 (已結業)

今日約左朋友喺荃灣見面，咁順便都喺荃灣揾食，咁喺路德圍附近揾到呢間名捌月，正正就喺南豐中心天橋一落就到。餐廳面積唔算大，但裝修都唔錯，行比較年輕既路線。咁我同朋友就點左一份三文魚扒拼元貝同一份松葉蟹肉蟹膏飯，再加配套餐。餐湯我地選擇左龍蝦湯，都好飲既，味道好濃，龍蝦肉都好多。咁主菜方面，我既三文魚扒份量非常大又厚。食落肉質肉質嫩滑仲配有煎完既香味，魚皮亦煎得脆脆的。元貝就大大粒，都食得岀元貝應有既鮮甜味。配菜方面，有南瓜蓉，小甜薯同埋比較少見扁長形既薯條。而朋友既蟹肉蟹膏炒飯我就試左一啖，蟹肉份量都多，汁醬都非常足夠，每一粒飯都有蟹膏汁，非常鮮甜，都係高質既。餐飲方面我就選擇左平時少見到既蘋果蜜黎試下，都幾驚喜，因為佢唔單止有蘋果味，仲有啲蘋果粒添。