影片
更多
2017-08-02
1467 瀏覽
相約幾個舊同事出來午餐，閑談一下！想搵個環境幽雅、食物質素好、私隱度又高的餐廳。朋友便介紹左呢間位於尖東海旁的Spasso。來到餐廳，有一種好輕鬆自在嘅感覺，餐廳環境佈置好有歐陸風格，選了在落地玻璃窗旁的座位，既可以望着外面的風景，又可以嘆下透心涼嘅冷氣，實在夏日嘅賞心樂事！仲有天花板好有特色嘅幾台吊扇。 餐廳嘅午餐係用半自助形式進行，自助餐桌上擺放了餐湯、新鮮沙律、麵包及前菜等。當日嘅餐湯係番薯濃湯，甜甜地感覺幾特別！另外多款意大利麵包都好新鮮，最欣賞係佢嘅煙三文魚同多款沙律菜質素好高，特別係BB菠菜並唔係經常可以係自助餐桌上食到。佢嘅Parma ham配哈密瓜真係好味到冇朋友！三款芝士最欣賞係一款軟身芝士粒。主菜我哋揀咗一個Pizza、兩款意粉同魚柳！由於前菜太豐富，及我們掛著傾計，我哋淨係食咗個Pizza同少少意粉，味道都係一般水準！其餘兩碟未食過嘅主菜最終我哋都係打包外帶！好多餐廳做半自助餐都唔比外帶，但佢地完全沒有問題。後來先發覺原來仲有一個counter係放水果及甜品嘅！雖然好飽，我哋都食咗少少！之後侍應仲問我地食唔食雪糕，每人送上一杯份量好細嘅Baby size 雪糕！在
朋友便介紹左呢間位於尖東海旁的Spasso。
來到餐廳，有一種好輕鬆自在嘅感覺，餐廳環境佈置好有歐陸風格，選了在落地玻璃窗旁的座位，既可以望着外面的風景，又可以嘆下透心涼嘅冷氣，實在夏日嘅賞心樂事！仲有天花板好有特色嘅幾台吊扇。
餐廳嘅午餐係用半自助形式進行，自助餐桌上擺放了餐湯、新鮮沙律、麵包及前菜等。
當日嘅餐湯係番薯濃湯，甜甜地感覺幾特別！另外多款意大利麵包都好新鮮，最欣賞係佢嘅煙三文魚同多款沙律菜質素好高，特別係BB菠菜並唔係經常可以係自助餐桌上食到。
佢嘅Parma ham配哈密瓜真係好味到冇朋友！三款芝士最欣賞係一款軟身芝士粒。
主菜我哋揀咗一個Pizza、兩款意粉同魚柳！由於前菜太豐富，及我們掛著傾計，我哋淨係食咗個Pizza同少少意粉，味道都係一般水準！其餘兩碟未食過嘅主菜最終我哋都係打包外帶！好多餐廳做半自助餐都唔比外帶，但佢地完全沒有問題。
後來先發覺原來仲有一個counter係放水果及甜品嘅！雖然好飽，我哋都食咗少少！
之後侍應仲問我地食唔食雪糕，每人送上一杯份量好細嘅Baby size 雪糕！
在飲完咖啡後，完美嘅一餐就完成啦！
張貼
