影片
更多
2016-11-07
1170 瀏覽
呢餐邊爐食到一肚火話說放工突然好想打邊爐，行到黎潮民門口，見佢有咁多雜誌推介，諗住冇死就入去試吓。我地2個，分別點咗鹹菜豬肚湯底，2份疏菜，1份魚皮餃，1份炸魚皮同埋1份日本黑豚肉。當食物開始上枱時，見到有份我哋應該冇點到嘅肉，果份肉嘅係一條條，貌似豬頸肉咁嘅物體，心諗，明明冇叫架，於是就叫咗個侍應問下。點知佢竟然答我呢一份就係日本黑豚肉😡😡，於是我就問佢，乜黑豚肉唔係一片片嘅咩，呢個明明係豬頸肉嚟架喎？！佢話係呀，因為d肉一片片嘅話就會冇口感，咁我再問佢，既然你話冇口感，咁點解你會有牛肉片同羊肉片，呢啲都係一片片，唔通呢d肉先會有口感，跟住佢就咁樣答我：「呢個就係我哋公司嘅黑豚肉，我哋公司嘅黑豚肉係用一條條嘅豬頸肉嘅，你唔可以控制我哋比邊一部份嘅肉你，總之呢個就係日本黑豚肉，你食嘢食得咁奄尖，呢度冇嘢啱你食。」咩態度？？😡😡😡講真，價錢已經唔係算平，黎得大坑呢度嘅客，唔多唔少都對食物都會有啲要求，而且我冇要求過你，只係問清楚，仲要咁嘅態度，我係好聲好氣問你，唔使咁答我呀😡😡😡😡以後唔使指意我會再黎兼會叫身邊嘅朋友唔會幫襯，咁嘅態度，幾好食都假😡😡😡😡😡😡
話說放工突然好想打邊爐，行到黎潮民門口，見佢有咁多雜誌推介，諗住冇死就入去試吓。
我地2個，分別點咗鹹菜豬肚湯底，2份疏菜，1份魚皮餃，1份炸魚皮同埋1份日本黑豚肉。當食物開始上枱時，見到有份我哋應該冇點到嘅肉，果份肉嘅係一條條，貌似豬頸肉咁嘅物體，心諗，明明冇叫架，於是就叫咗個侍應問下。點知佢竟然答我呢一份就係日本黑豚肉😡😡，於是我就問佢，乜黑豚肉唔係一片片嘅咩，呢個明明係豬頸肉嚟架喎？！佢話係呀，因為d肉一片片嘅話就會冇口感，咁我再問佢，既然你話冇口感，咁點解你會有牛肉片同羊肉片，呢啲都係一片片，唔通呢d肉先會有口感，跟住佢就咁樣答我：「呢個就係我哋公司嘅黑豚肉，我哋公司嘅黑豚肉係用一條條嘅豬頸肉嘅，你唔可以控制我哋比邊一部份嘅肉你，總之呢個就係日本黑豚肉，你食嘢食得咁奄尖，呢度冇嘢啱你食。」咩態度？？😡😡😡講真，價錢已經唔係算平，黎得大坑呢度嘅客，唔多唔少都對食物都會有啲要求，而且我冇要求過你，只係問清楚，仲要咁嘅態度，我係好聲好氣問你，唔使咁答我呀😡😡😡😡以後唔使指意我會再黎兼會叫身邊嘅朋友唔會幫襯，咁嘅態度，幾好食都假😡😡😡😡😡😡
張貼