CURATOR Art & Café (已結業)

今日約咗朋友去尖沙咀行街睇戲,喺k11Musea 睇完戲,喺附近搵啲嘢食下,經過見到一間西餐廳環境都幾舒服,所以入去試下。Curator Art & Cafe , 餐廳環境非常整潔望,落去高貴而有格調。店員態度友善值得一讚。prosciutto and Mozzarella Pizza 98元意式火腿配水牛芝士薄餅,pizza皮做到好香脆,上面加咗水牛芝士,菜,火腿,整體嘅味道好夾,意式火腿有少少鹹香,芝士味又中和番個鹹香味,味道恰到好處。蘇脆雞槌配水牛芝士醬,雞槌炸到金黃色,又香又脆,非常惹味,入口雞皮脆卜卜香口得嚟又有陣芝士香味,入面嘅雞肉仲係好嫩滑好juicy,廚師炸到好啱啱好。烤蝦牛油果沙律,份量非常多,三隻大蝦燒到啱啱好,入口外皮香脆,入面嘅蝦肉爽口彈牙,加上清新嘅沙律牛油果味道,食完好開胃，牛油果非常健康又夠新鮮，入口仲散發香味安格斯高級肉眼牛扒配烤薯,牛扒七成熟煎到啱啱好,而且分量仲係好多,入口牛肉味好香濃,脂肪分佈均勻食到油花嘅香味,有入口即溶嘅感覺,配上蒜頭,令到牛肉嘅香味更加突出,味道更加有層次,旁邊仲放有幾粒薯仔，煎過之後非常香口，味道鮮甜更加飽肚。