北海道牧場餐廳 (已結業)

剪完頭髮朋友帶左我去【北海道牧場餐廳】食晚飯！朋友叫左蛋治，好似大人國食既ｓｉｚｅ，一個女仔真係食唔哂，咁大食既我都未必食得哂，就算食哂都會飽到顛左！而我就叫左個叉燒意大利粉餐，上到台先知咁多野，冇錯，我係食唔哂既！叉燒意大利粉：湯底好好飲，叉燒都唔錯，符合我既要求唔太肥，朋友話佢地既叉燒係用太興架。（不過佢地既湯底應該係用金寶整既，因為咁岩我食緊既時候．見到有人送貨入黎。）炒蛋：好滑、好香，應該加左鮮奶一齊炒。多士：好大件呀，熱辣辣好好味！火腿：咸左小小，岩岩合格。