仁芝初

營業中

休息中

同個朋友食完晚飯之後佢話想食糖水，特別係想食傳統嘅中式糖水，所以就搵咗呢間嘞。之前有朋友帶我嚟食過，所以大概有印象係乜嘢位置，其實地點都還算方便嘅，同埋個門牌都好容易認到。去到門口要等位，等咗大概10分鐘就有位嘞。我哋叫咗一個香滑芝麻糊加湯圓，同埋一個香濃合桃露加湯圓，唔知係咪因為加咗湯圓說個碗特別大個，味道方面芝麻糊好香好滑，係可以嘅。合桃露反為冇芝麻糊咁濃，但係合桃香味都係好出嘅，所以整體嚟講都唔錯，食得出有以前食開傳統中式糖水嘅口感同埋味道。朋友話下次再嚟試其他嘅糖水，我都應承咗佢一齊試吓其他糖水再講。