港興大飯店

營業中

休息中

原來呢間嘢喺大圍已經有廿幾年歷史，但住喺大圍嘅我由細到大都未幫襯過，係呢幾年偶然機會下先去試下，一試之下我就加佢入我嘅開飯名單之一，間唔中諗唔到食咩好，就會去呢度，貪佢易搵位，又唔怕迫唔怕吵。雖然我唔係客瓜人，但都幾欣賞客家菜嘅風味，好似鹽焗雞、釀豆腐...呢度嘅客家菜簡簡單單又有，巧手啲好似八寶鴨又有。今次我哋人少少都係食餐家常便飯，喜歡呢度餸菜能保留原汁原味，冇咩味精，碟頭又夠大件，不錯嘅家常菜，但係價錢就貴咗少少。晚上7點幾嚟到，唔駛等位，只有幾張枱有人，其實佢仲有二樓，都係星期六日人多先至要開埋。侍應服務唔錯，仲有個後生嘅男仔好有禮貌，似係揸fit人。其實我覺得呢間嘢幾好食呀，雖然裝修仲保留傳統特式，但環境乾淨企理，唔明點解晚飯時間都咁靜嘅我最愛食鹽焗雞，咸味剛剛好，有點黃油，但雞又唔肥，雞肉咸香軟滑推介菜式酒糟炒油麥菜，甜甜哋又有少少酒香，平凡嘅材料，造出不平凡嘅味道，客家菜嘅精髓椒鹽焗鮮魷，炸得乾身唔油唔過火，又夠香脆鯇魚丸豆腐煲，好傳統嘅菜式，但出面已經好少食到，但唔係咁鍾意鯇魚丸嘅口感,粉粉地咁，唔似鯪魚球嘅彈牙