泰豊廔酒家

營業中

休息中

朋友係加拿大返香港話想食啲有特色嘅嘢，除咗香港小食今日帶咗佢嚟一間傳統京菜餐廳，其實我都係第一次嚟不過見到食評唔錯就試吓。我地一行6個人，叫咗個6-8人嘅傳統涮羊肉火鍋套餐，成個套餐勁多嘢一共有17碟，平時打邊爐會食嘅材料都齊，最有特色係個碳爐好傳統，第一次食覺得好新奇，上網睇返原來係叫京式紫銅爐，食物質素方面都唔錯都算新鮮，整體嚟講都幾好，我見佢都有北京填鴨食，下次一於試吓先。只係環境有少少嘈要傾計就要大聲少少。