影片
更多
2023-10-08
39 瀏覽
灣仔就食過好多次，今日特登嚟試吓尖沙咀新開冇幾耐嘅分店。餐廳地址都容易搵，地鐵站附近，一出電梯，已經見到又大又光猛嘅餐廳，旁邊一個大魚缸。入到去經理就好熱情嘅招呼，推介左唔同嘅菜式，原來尖沙咀分店同灣仔分店唔同，尖沙咀分店多咗川菜師傅，特登為內地客人而設。今日因為得我同朋友兩個人，所以食唔到佢推介嘅乳豬，之後佢就推介左水煮魚。最後今日點左：脆皮燒肉，經理話食唔到乳豬，就一定要試佢哋嘅脆皮燒肉，眼見嘅好多枱人客都有食。入口鬆脆，亦唔油膩，非常正👍🏼果然冇介紹錯焗蟹蓋，一樣都係經理推介。佢話10個有九個人都要食。原來佢哋嘅蟹蓋係先炸後焗，所以亦都係十分鬆脆。真係好正，最重要係洋蔥多過肉四川水煮桂花魚：絕對食得出係用咗新鮮桂花魚，啲魚食落去唔會成口粉，亦有四川菜特色麻而不辣，跟埋個白飯，簡直一流！難怪佢話鍾意食川菜嘅朋友就一定鍾意食呢一度菜式。仲叫我哋下次嚟試吓炸子雞。甜品蛋白杏仁茶：非常之正宗，亦都冇出邊餐廳咁甜，食落口淡淡杏仁香味，非常之有水準
入到去經理就好熱情嘅招呼，推介左唔同嘅菜式，原來尖沙咀分店同灣仔分店唔同，尖沙咀分店多咗川菜師傅，特登為內地客人而設。今日因為得我同朋友兩個人，所以食唔到佢推介嘅乳豬，之後佢就推介左水煮魚。
最後今日點左：
脆皮燒肉，經理話食唔到乳豬，就一定要試佢哋嘅脆皮燒肉，眼見嘅好多枱人客都有食。入口鬆脆，亦唔油膩，非常正👍🏼果然冇介紹錯
焗蟹蓋，一樣都係經理推介。佢話10個有九個人都要食。原來佢哋嘅蟹蓋係先炸後焗，所以亦都係十分鬆脆。真係好正，最重要係洋蔥多過肉
四川水煮桂花魚：絕對食得出係用咗新鮮桂花魚，啲魚食落去唔會成口粉，亦有四川菜特色麻而不辣，跟埋個白飯，簡直一流！難怪佢話鍾意食川菜嘅朋友就一定鍾意食呢一度菜式。仲叫我哋下次嚟試吓炸子雞。
甜品蛋白杏仁茶：非常之正宗，亦都冇出邊餐廳咁甜，食落口淡淡杏仁香味，非常之有水準
張貼
