詠藜園四川擔擔麵

營業中

休息中

是日好友相約往黃埔詠藜園吃晚餐聚舊。好快安頓好座位飲杯普洱茶諗下食咩？結果選擇好全日二人套餐都算抵食有兩碗擔擔麵，楊家小湯包，黃金蝦仁，拌海蜇，豆漿，甜品。再散叫左至尊鍋貼，炸饅頭同豆沙鍋餅。擔擔麵：麵底軟硬剛剛好，湯底香花生醬。楊家小湯包：皮薄都足夠鎖住肉汁，小湯包個重點就係入面個湯，要夠熱香肉味，全部做到了。黃金蝦仁：蝦仁爽口彈牙再將鹹蛋黃炒蝦仁令到蝦仁都貼滿鹹蛋黃香味。拌海蜇：海蜇調教味道做得唔錯，而海蜇質感都好。豆漿：香濃豆味。甜品：雪凍了雪米糍，一口咬下甜入心中。至尊鍋貼：肉質好煎香外皮，熱食一流。炸饅頭：外面香口入面鬆軟。豆沙鍋餅：豆沙煮得香被香脆外皮包著，一口咬下有著好好口感。