大阪日本料理 (已結業)

今日到訪富豪酒店內既日式餐廳：大阪日本料理， 驚喜發現前身乃19年位於亞士厘道宣佈光榮結業的半百年老店。 相信唔少人都曾經光顧過呢間高質家庭式料理既餐廳，原班人馬繼續經營保持高水準且價錢相宜的美食🤩👍前菜：味醂魚乾 ($88)入口甘香，咬落唔會好硬，作為伴酒前菜非常合適。 職員推介隱藏地酒：北秋田大吟釀（$268) 入口順滑，味道比較清淡非辛口。配有冰鎮茶壺保冷非常貼心🤓👍極上刺身盛九點十八切（$668) 有時令海鮮包括：花竹蝦，蜜柑鯛，池魚，海膽，拖羅等等...全部以厚切上碟絕對大滿足😋 海膽顏色鮮艷入口肥美，份量夠二人再三品嘗🤣 薄切鰈魚味道較淡，建議配辣蘿蔔蓉及蔥花蘸上酸汁先行品嘗👍免治雞肉串（$38) 蘸上濃厚一層蛋汁醬油超級蔥味！鐵板燒南非鮑魚（$198) 煎熟後煙燻上檯，仍然保持鮮嫩肉質😍 鹽燒大蝦（$268)雖然比起其他菜式稍貴，但可以連殼全吃超香脆👍不得不讚燒物系列做得非常出色👍👍👍最後以牛肉手打烏冬（$118)作結，大大塊牛肉之餘烏冬亦不馬虎，入口彈牙，湯底超甜😎埋單2人$1800 好食指數：⭐️⭐️⭐️⭐️⭐️性價比：⭐️⭐️⭐️⭐️⭐️⭐️ 贏盡同區餐廳