Running 燒 (已結業)

食韓式燒肉點先最抵？當然就係岩晒大胃王既任食韓燒。推介大家黎旺角市中心的呢間running燒,價錢相宜，而且食物有質素，性價比高。肉類款式多，而且醃味方面做得好足，夠晒味，推介必食的三花肉，餐廳已經切好成一塊塊，厚度岩岩好，十分貼心。另外，私心推介大腸，原來韓燒烤大腸一樣甘好味，火喉控制得好既話，唔會韌之餘表面仲會脆卜卜！熟食方面，推介炸魷魚鬚，上枱新鮮滾熱辣，而且炸粉同魷魚鬚黐埋一齊唔會甩粉，十分惹味。