盛記酒家

營業中

休息中

如果你有留意叉燒關注組，都會留意到#盛記酒家條叉燒有幾勁😍😍😍其實除咗靚叉，仲有好多撚手小菜吸引不少粵菜之友去開餐，一大班人去會更好，因為碟碟都king size 😅荔枝蜜叉燒皇$168用左梅頭豬肉燒至微微燶邊，肉質軟稔，用上茘枝蜜取代麥芽糖，叉燒甜而不膩，濃稠的叉燒汁充滿甘香，完美地和叉燒融為一體。不過食到一半已經投降，要帶半條叉燒返屋企食發現了老派手工菜碧綠蝦子柚皮$128 聽人講過蝦子柚皮，製作繁複，但又唔可以賣得貴，所以真係買少見少，我都想見識吓。一碟有兩件柚皮，睇得出炆到好稔。柚皮輕輕地已經可以切過一角，口感粉粉的，有點似芋頭，以蠔油及上湯餵汁，味道平實，蝦籽有助提升鮮香，可以話幾特別翡翠蝦球螺片$188估唔會咁大碟，蝦仁爽脆，螺片超多，入口不靭，西蘭花炒得啱啱好，仍保持脆綠可口。