豊勝手丼 (已結業)

唔知幾時可以再飛日本嘅日子，唯有四圍搵吓好有日本感覺嘅日本餐廳食吓，解吓返唔到鄉下嘅思鄉病。今次揀咗登龍街嘅豊勝手丼，係有次喺隔離大廈食飯前經過見到餐廳裝修真係好日式感覺，仲要賣緊嘅丼飯又唔係好貴，所以就嚟試吓。黃昏六點嚟到就唔使等位。今次叫咗一個北海雲丹丼+蟹甲羅燒食過日本菜嘅人都應該知雲丹即係海膽，而我就好鍾意食海膽，所以喺餐牌見到就二話不說就揀咗呢個。北海雲丹丼嘅刺身有隨咗海膽外，仲有赤蝦、拖羅蓉膽同埋油甘魚，海膽包埋紫菜&拖羅蓉一齊食，真係好好味。而另外點咗嘅蟹甲羅燒，拎埋嚟送飯，竟然可以食哂成碗飯，真係好好味！