Showcase by Bread n Butter (已結業)

行完PMQ 想坐低食個tea. 走左入呢間SHOWCASE cafe 食啲野飲杯, high 個tea 扮下有生活品味啦。 環境黎講，呢度的確好靚，室外area 好靚有feel. 天花鋪左假樹葉，有吊扇吹住好舒服。 四座卡位一邊係兩張雀籠造型既高凳，一邊係一張非常闊落既梳化。兩張凳都好軟好舒服，但高度就差啲。高個兩張凳太高，梳化又太矮，傾計同食野都好辛苦，坐得耐腰有啲唔舒服，尤其凳太軟。食物黎講，叫左一個tea set 同一份花生醬pancake, ，total 6杯野飲。個tea set就幾好食既，但唔係特別出色。一個三層既甜品塔，有4款甜品，一份ham and cheese pancake, 一份油醋沙律。個花生醬pancake 伴雲呢拿雪糕好好食，唔算太甜 ，花生醬份量同稀稠度剛剛好。飲品黎講，我地成枱叫左iced coffee 同iced chocolate. Coffee個樣好靚，但非常非常甜！太多糖水好難飲。Chocolate 就一啲都唔甜，好香濃朱古力味。我自己唔中意飲甜野所以杯朱古力我好中意。但係...價錢真係好貴，400幾蚊，而且我覺得貴得唔值。