無印良品 (已結業)

芝士包 $25味道同其他麵包舖差唔多，muji啲芝士好大粒，不過最近買就切細左視覺上睇落多左。紀子桂圓石臼法包 $48/份 $25/半份買完整一個太多，兩個人分左兩日先食得曬。試完伯爵茶包之後食尼個覺得好普通，無乜味只得少少麥味，太健康唔好食，幾多龍眼肉算足料,，包口感唔鬆軟偏實。黑芝麻黃梅合桃包 $42/份 $24/半份拎落好重手、有啲啲鹹、芝麻幾香，好重梅味會蓋過芝麻、只係食到少少芝麻味。伯爵紅茶香橙碧根果仁包 $25個人覺得無印最好食嘅包，茶味好香，餡料唔算好多，有啲啲橙皮同少量碧根果，包一啲都唔乾，好soft，成個配搭好清新，食到停唔到口，earl grey lover必試！伯爵紅茶忌廉芝士鮮奶球 $15平時食開啲鮮奶球都係無陷，好驚喜尼個有仲要都唔少，面有啲油同黏，聞落唔係好重伯爵茶味，食落好香茶味，餡料係cream cheese，同茶味好夾。