美心西餅 (九龍灣站)

營業中

休息中

今日個文員話口痕，同我講横掂公司還有好多張餅咭，不如去攞啲餅返黎食，我當然舉腳贊成啦！到左差不多時間，就去拎餅，我地在餅店睇左好耐同計左好耐數，先可以買到啱心水，啱件數，同啱啱可以用得盡餅咭的價錢。其實都真係幾煩惱，仲有用餅咭又唔可以換優惠價錢的西餅，感覺有點呃錢！換完餅返到公司，我就第一個揀左個伯爵茶蛋糕。件伯爵茶蛋糕咬落有點硬，我懷疑唔係太新鮮，味道就都有點食到茶味，但忌廉味重，有點膩，面頭的忌廉有點厚，成件蛋糕要成廿幾蚊，講真咁既質素真係唔多值，好彩既係只係用人家的餅咭換返黎，如果要自己俾錢真係唔值！