Mr. Right (已結業)

中午煩惱食咩好，行行下就諗起食過mr.right嘅意粉都唔錯，所以就蒲左入去睇完menu，決定試試牛扒配薯菜，而lunch set係包括沙律，餐湯同飲品。沙律用嘅醬係柚子蜂蜜，意想不到都幾清新。而湯係蘭度豆湯，飲落好似中湯咁個人不是太喜歡到主菜，牛扒肉質ok啦，唔會特別好食或難食，但用左過多牛油煎，一開始食時會好香，但食到後期太漏，食唔落。而最失望嘅係薯菜嘅菜係西蘭花紅蘿蔔同粟米粒係我心目中係好cheap嘅餐廳或連鎖式快餐店先會用，雖然有well seasoned ，但都真係唔係咁想食。。同埋佢牛扒set收嘅價位我覺得可以俾更好嘅，就算係牛扒配薯條我都覺得ok吖，無須要用依d配菜。總結，環境舒服，位同位之間都好空曠。但今次食物質素差左d，會再黎，但會食返意粉set。