洗衣裡的咖啡 (已結業)

LoL Coffee in WasH 一邊係自助洗衣店，一邊賣咖啡，中間仲有另一間傳統洗衣舖。據店主講，咖啡店同洗衣店二合一嘅模式，全香港計埋佢哋應該暫時只得兩間。呢度嘅咖啡可以由客人選擇咖啡豆，由於有工作在身，唔方便飲奶啡，於是叫咗個伯爵茶湯力咖啡。我根據店主嘅建議，揀咗較為 fruity 嘅豆，一試之下，呢隻豆果然跟 tonic 好夾，咖啡味既濃，口感亦好清新，加上伯爵茶嘅香氣，同埋檸檬汁嘅鮮味，成杯咖啡層次豐富，絕對值得推介👍。除咗咖啡之外，呢度都有日式飯糰寄賣，係由一位日本女仔每日親手製作，我試過金平先生（牛蒡）同鮮味昆布，兩者都用料豐富，包裝精美，我好鍾意食牛蒡，所以較喜歡前者，後者都好味，不過對於我嚟講，就稍為味濃咗少少😂。