新軒尼詩茶餐廳 (已結業)

2018年10月2日。灣仔。晴。呢日又到灣仔工作，午飯時間嘅灣仔周圍都打仗咁因為遲咗食晏，結果不堪設想。。。當所有餐廳外都排咗條多過10人嘅長龍嘅時候，要趕住食晏嘅我哋，見到呢間餐廳尤如清泉無長龍，即有位時間無多，咁就入去啦餐廳環境有啲陰暗，無論枱、櫈、餐牌都好黐笠感覺好污糟，完全唔想掂到任何物品食物選擇都幾多嘅，有午餐、常餐，仲有其他不同名目嘅餐要快就緊係嗌午餐啦～午餐有5個選擇，揀咗咖喱吉列豬扒飯，配凍檸茶等咗5、6分鐘就到啦豬扒炸到黑蚊蚊，睇落都已經知道好唔健康肥豬肉成份好多，肉較少咖喱汁極少，但味道係正常嘅飯量亦可以凍檸茶無特別要求少甜，但係一啲甜味都無咁嘅環境、咁嘅食物質素，要收我$52，實在覺得過分總括而言，呢間餐廳不可一，不可再！