影片
更多
2011-05-24
27 瀏覽
平時好少去北角, 早幾日去城市花園探一個朋友(佢剛剛生左個B), 睇完BB之後佢兩公婆請我去城市花園酒店既中菜廳食飯, 估唔到原來好好食架, 真係有五星級酒店既水準. 佢地係"無飯"夫婦, 簡直當呢道係飯堂, 一個星期黎三四晚, 已經係熟客仔, 個經理知我第一次黎, 特登叫廚房整個tasting menu俾我, 細細碟但可以試好多款唔同既招牌菜. 頭盆六小碟: 有白切肉, 柚子醋浸蓄茄仔, 叉燒, 煎釀四季豆, 素鵝同牛肉粒最like係果兩粒去左皮既蕃茄仔, 蕃茄本身好鮮甜, 用柚子醋浸過, 味道好清新, 超正. 第二like既係煎釀四季豆, 最初以為係煎釀青椒, 我最憎食青椒, 一見到就即刻叫我個friend幫我啃左佢, 點知佢話唔係青椒黎架, 試下先啦, 一咬落去原來係好爽脆既豆豆, 上面釀左蝦膠, 又彈牙又爽脆, 好夾. 叉燒同牛肉粒都好juicy, 牛肉應該係和牛, D肉質先會咁鬆軟. 素鵝唔會油淋淋, 擺到最後先食都仲脆卜卜. 白切肉就鹹左D. 杏汁花膠湯: 見個湯D顏色白雪雪, 就知道杏汁味有幾濃, 個waiter一打開個盅蓋, D杏仁味即刻撲出黎, 塊花膠仲好厚身, 勁有
佢地係"無飯"夫婦, 簡直當呢道係飯堂, 一個星期黎三四晚, 已經係熟客仔, 個經理知我第一次黎, 特登叫廚房整個tasting menu俾我, 細細碟但可以試好多款唔同既招牌菜.
頭盆六小碟: 有白切肉, 柚子醋浸蓄茄仔, 叉燒, 煎釀四季豆, 素鵝同牛肉粒
最like係果兩粒去左皮既蕃茄仔, 蕃茄本身好鮮甜, 用柚子醋浸過, 味道好清新, 超正. 第二like既係煎釀四季豆, 最初以為係煎釀青椒, 我最憎食青椒, 一見到就即刻叫我個friend幫我啃左佢, 點知佢話唔係青椒黎架, 試下先啦, 一咬落去原來係好爽脆既豆豆, 上面釀左蝦膠, 又彈牙又爽脆, 好夾. 叉燒同牛肉粒都好juicy, 牛肉應該係和牛, D肉質先會咁鬆軟. 素鵝唔會油淋淋, 擺到最後先食都仲脆卜卜. 白切肉就鹹左D. 杏汁花膠湯: 見個湯D顏色白雪雪, 就知道杏汁味有幾濃, 個waiter一打開個盅蓋, D杏仁味即刻撲出黎, 塊花膠仲好厚身, 勁有咬口. 除左花膠之外, 仲有D好似牛筋咁既物體, 原來係豬蹄筋, 又養顏又補關節, 女人恩物.
金錢蟹盒伴蝦球: 金錢蟹盒係懷舊菜, 唔係周圍都有得食, 就算搵到大多數都炸到好油膩, 呢度既師傅掌握得好好, 唔油膩不特止, 仲好酥脆鬆化. 蝦球即時被蟹盒既風頭蓋過, 好彩D香濃既蝦膏搶返唔少分數 (其實我唔知果D係蝦膏定蟹黃).
雖然細細碟, 但係食到呢度已經開始飽, 對接住落黎既菜色已經興趣不大, 點知係呢個時候, 經理送來一杯好精緻既菜色, 簡直眼前一亮. 經理話呢味係得獎菜, 叫雪嶺紅梅映松露. 杯中三層顏色都係蛋白黎, 只不過每層都加入不同配料做成顏色鮮艷, 層次分明的效果, 入口即刻湧來一陣濃烈既松露香味, 同嫩滑既蛋白出奇地夾. 上面塊魚肉好鮮, 好滑. 更神奇係唔知點解呢味菜既溫度可以一直保持高溫, 我地一邊食一邊傾偈, 我大大話話都食左成十五至二十分鐘先食晒成杯, 但係由頭到尾D蛋白都係咁熱, 超讚!
跟住落黎既魚湯浸莧菜, 茶皇雞同師傅炒飯, 實在是太飽, 所以印象有D模糊, 只記得隻茶皇雞肥廋適中, 散發淡淡龍井茶香, 如果係平時我一定會連骨都"倫"埋.
但係無論幾飽我都一定會食埋個甜品, 最近我有D熱氣, 成日喉嚨痛, 呢個甜品真係最啱我 - 雪蓮子五寶茶. 雪蛤同蓮子就食得多, 雪蓮子都係第一次食, 透明狀烟烟Un Un, 好似啫哩狀既花膠咁, 幾得意, 唔知係咪心理作用, 食完之後個喉嚨好潤好舒服.
呢餐飯真係好滿意, 好開心, 好surprise, 喜出望外, 我仲即刻訂埋檯下星期帶我爸爸媽媽黎食添. Oh, 順帶一提, 餐廳最入面有幾張卡位, 坐疏化舒服D, 無咁多人係則邊行黎行去兼無咁嘈, 傾偈最好.
張貼
