料理処:森 (已易手)

Item: 料理処:森
Rating: 5
Author: JCjessica

Restaurant Mori

20 食評

味道

環境

服務

衛生

抵食

835

荃灣

$201-400

日本菜海鮮壽司/刺身日式西餐

JCjessica

等級1

從來都好少走到荃灣區，始終我由細到大都住喺九龍。上星期喺荃灣區附近見完客，行過去西鐵站途中，經過一間同環境格格不入嘅日本餐廳。一條車房街竟然有間咁有情調嘅餐廳，確實令我覺得好奇，覺得吸引，就咁就行左入去。入到裡面發覺好特別，好似鐵板燒咁嘅格局。侍應安排坐低，坐位正正對住兩位魚生師父。未開始諗食咩好之前，魚生師父已經開始同我交流，為我講解同介紹，問我食開咩，鍾意咩口味同唔食啲咩，好專業，我就決定等佢幫我點菜。先黎前菜漬物，有蒜頭，青瓜，黃瓜等等。平時好少食呢類前菜，但係呢個好特別，味唔濃，入口感覺好清爽，好容易就成碟食晒。之後就吞拿魚冷豆腐，薯仔沙律同越米紙吉烈蝦卷。賣相好Fusion好靚，豆腐同蝦卷味道好清好開胃，令人期待下一道菜。五點刺身，三點壽司。分別有間八，愛女，三文魚，吞拿，金目刺身。壽司有帶子，鯛魚同平目。刺身就經常食，但係都係第一次有師父一樣一樣咁講解仲教埋我點食添。刺身好厚身，好鮮甜，由淡到濃味咁食法，而壽司飯都好好味，師父話係用北海道七星米整架。蕃茄豆腐。有蕃茄味嘅凍豆腐，好的意，好清香，望落有啲似午餐肉。海膽沖繩卷。有魚子，海膽同平目魚。因我愛食海膽，師父特別整俾我食

先黎前菜漬物，有蒜頭，青瓜，黃瓜等等。平時好少食呢類前菜，但係呢個好特別，味唔濃，入口感覺好清爽，好容易就成碟食晒。

之後就吞拿魚冷豆腐，薯仔沙律同越米紙吉烈蝦卷。賣相好Fusion好靚，豆腐同蝦卷味道好清好開胃，令人期待下一道菜。

五點刺身，三點壽司。分別有間八，愛女，三文魚，吞拿，金目刺身。壽司有帶子，鯛魚同平目。刺身就經常食，但係都係第一次有師父一樣一樣咁講解仲教埋我點食添。刺身好厚身，好鮮甜，由淡到濃味咁食法，而壽司飯都好好味，師父話係用北海道七星米整架。

蕃茄豆腐。有蕃茄味嘅凍豆腐，好的意，好清香，望落有啲似午餐肉。

海膽沖繩卷。有魚子，海膽同平目魚。因我愛食海膽，師父特別整俾我食。海膽好濃好鮮，本來想食多一客，但係師父話留肚食其他野，怕我食唔晒。

蝦天婦羅。炸粉好簿好脆口，隻蝦啖啖。另外原來蝦腳都可以食，好脆，入口即溶好特別。特別鍾意柚子鹽。呢樣我都想食多兩隻架，但係又怕食唔晒。

汁煮魚頭。通常食開都係炸魚頭，呢道就用汁煮，好入味，好濃。係用柳柳汁煮，我有問過其實係咩汁，不過我唔記得左。

炸蝦餅飯。同天婦羅嘅炸粉一樣好簿好脆，加埋少少汁甜甜地好好味。
最後有櫻花味雪榚做甜品，好香好好味，我從來未試過，可惜開心得滯食左唔記得影相。

呢餐無諗過咁驚喜，環境，食物，服務都好出色，啲野食好靚好有心思。師父同侍應好細心周到，會為我諗埋，唔單止食到野，仲學到好多野添，好滿足。雖然係荃灣有啲遠，不過我下次都會叫埋朋友一齊去食。