影片
更多
2021-07-23
135 瀏覽
荃灣川菜館 麻辣風雲 有多款經典川菜：酸菜魚、辣子雞、水煮田雞，亦有多款風味小炒。餐廳裝潢簡約帶中國風，環境舒適，卡位位置都算闊落。▪️酸菜魚 $268酸菜魚可以自己揀酸度辣度~ 今次小試牛刀揀左小酸小辣，就覺得唔係好夠酸辣，湯底唔夠濃郁，較為油膩，但勝在夠麻。薄切魚肉嫩滑，但有小小細骨。當中亦加有唔少配料，酸菜、薯粉、芽菜、豆卜、菇等等。 豆卜索滿湯汁，但薯粉質地偏腍唔夠煙韌。▪️炸饅頭 $58黃金炸饅頭嘅登場會唔會太架勢！煙霧彌漫、氣勢如虹，真係估唔到食個饅頭都可以打卡。饅頭新鮮炸起熱辣辣，靚靚仔仔相當光滑，外皮金黃香脆，內𥚃鬆軟，唔會太乾太油，配埋甜甜地嘅煉奶，無得輸！價錢比平時嘅貴少少，不過打卡一流。▪️麻辣海蜇 $58海蜇爽彈 夠晒麻！辣度唔算太高，略嫌海蜇偏幼身。▪️糍粑 $58糍粑表層灑上黃豆粉，外層金黃香脆，內𥚃偏軟唔太煙韌。底下更有秘製黑糖醬，不過醬汁就唔太啱我口味啦。▪️花雕醉雞（例牌）$98一上枱已經聞到好香嘅花雕味！雞肉軟滑入味，不過偶有一兩舊調味較淡，雞皮唔夠爽彈。▪️菊花蜜 (埕）$48菊花蜜以酒埕呈上，仲有隻好有江湖feel嘅細碗。飲落好似少糖嘅維他菊花茶，冰涼清甜，
▪️酸菜魚 $268
酸菜魚可以自己揀酸度辣度~ 今次小試牛刀揀左小酸小辣，就覺得唔係好夠酸辣，湯底唔夠濃郁，較為油膩，但勝在夠麻。薄切魚肉嫩滑，但有小小細骨。當中亦加有唔少配料，酸菜、薯粉、芽菜、豆卜、菇等等。 豆卜索滿湯汁，但薯粉質地偏腍唔夠煙韌。
▪️炸饅頭 $58
黃金炸饅頭嘅登場會唔會太架勢！煙霧彌漫、氣勢如虹，真係估唔到食個饅頭都可以打卡。饅頭新鮮炸起熱辣辣，靚靚仔仔相當光滑，外皮金黃香脆，內𥚃鬆軟，唔會太乾太油，配埋甜甜地嘅煉奶，無得輸！價錢比平時嘅貴少少，不過打卡一流。
▪️麻辣海蜇 $58
海蜇爽彈 夠晒麻！辣度唔算太高，略嫌海蜇偏幼身。
▪️糍粑 $58
糍粑表層灑上黃豆粉，外層金黃香脆，內𥚃偏軟唔太煙韌。底下更有秘製黑糖醬，不過醬汁就唔太啱我口味啦。
▪️花雕醉雞（例牌）$98
一上枱已經聞到好香嘅花雕味！雞肉軟滑入味，不過偶有一兩舊調味較淡，雞皮唔夠爽彈。
▪️菊花蜜 (埕）$48
菊花蜜以酒埕呈上，仲有隻好有江湖feel嘅細碗。飲落好似少糖嘅維他菊花茶，冰涼清甜，解辣一流~張貼
